Elimu ya Kujikinga na Virusi vya Corona yatolewa Halmashauri ya Wilaya Bunda.

Posted on: March 26th, 2020

Elimu ya kujikinga na Corona Yatolewa kwa  Wananchi  Halmashauri ya Wilaya Bunda

Kutokana na Uwepo wa   ugonjwa wa corona nchini Tanzania,Halmashauri ya Wilaya ya Bunda  imeanza kutoa elimu kwa Wananchi wake  ili kuweza kuchukua tahadhari za kujiepusha na maambukizi dhidi  ya virusi vya corona.

Akizungumza  katika kipindi Maalum kilichofanyika    Mazingira Fm Machi 22,2020. Mganga Mkuu wa Halmashauri ya Wilaya Dkt.Nuru  Yunge amesema  virusi huwa vina jamii tofauti  kwa virusi vya corona ni virusi  ambavyo  vinasababishwa na  homa kali ya mapafu ,hupelekea  mtu kushindwa kupumua, ,vidonda kooni na dalili nyingine.Ugonjwa huu unaweza kuepukika pale itakapuchukuliwa tahadhari.

Yunge amewaeleza  wananchi  kuhakikisha wanafuata maelekezeo yanayotolewa na watalaam wa  afya ilikuendelea kujikinga na Ugonjwa huu kwa kunawa  mikono kila wakati kwa maji yanayotiririka na sabuni,kuepuka kusalimiana na kwa kushikana mikono,kukumbatiana ,kuepuka kugusa macho,pua na mdomo,kufunika mdomo wakati wa kukohoa kwa kutumia kitambaa kisafi au sehemu ya mkono.‘Wananchi wasiwe na hofu zaidi tuendelee kujikinga”

Aidha Halmashauri ya Wilaya Bunda imetenga  eneo maalumu katika  kituo cha afya Kisorya, na Ikizu ambapo endapo kutabainika au kuhisiwa  mgonjwa mwenye dalili za virusi vya corona atawekwa chini ya uwangalizi kwa siku 14 katika vituo taja.

Mwisho alisisitiza wananchi kuepuka misongamano isiyoyalazima  kuchukua tahadhari ni muhimu ili kuepuka na maambuki ya virusi vya corona .alisema dkt Yunge

Mmoja wa wasikilizaji  wa kipindi hicho cha Radio  Bi. Nyangeta alitoa shukurani  kupitia ujumbe  mfupi wa meseji kwa  kupata elimu kuhusu ugonjwa wa  virusi vya corona

Ugonjwa wa virusi vya corona vilianza rasmi china katika Mji wa Wuhan,na kusambaa nchi mbalimbali na kwa Tanzania mgonjwa wa kwanza aligundulika Jijini Arusha mnamo  Machi16,2020.