Idara ya Mipango, Takwimu na Ufuatiliaji inashughulikia uratibu, usimamizi na ufuatiliaji wa miradi ya maendeleo katika Halmashauri, pia inahusika na Tafiti na ukusanyaji wa Takwimu pamoja na kuratibu shughuli za Uwekezaji. Idara hii inaongozwa na Afisa Mipango Wilaya na imegawanyika katika sehemu tatu kama ifuatavyo:-
Mipango na Sera
Majukumu ya Sehemu hii ni kama ifuatavyo:
Kusimamia Uandaaji wa mpango wa utekelezaji wa Ilani ya uchaguzi kila mwaka.
Kuratibu na kutayarisha Mipango shirikishi katika Kata zote za Halmashauri kupitia Mfumo wa O&OD.
Kuratibu na kutayarisha Mpango na Bajeti ya Halmashauri kila Mwaka.
Kusimamia uandaaji wa Mpango Kazi (Action Plan) baada ya bajeti kila mwaka.
Kuratibu uandaaji wa maandiko ya miradi mbalimbali ya maendeleo.
Kuandaa Mpango Mkakati wa Halmashauri (Council Strategic Plan)
Kuandaa taarifa ya utekelezaji wa Mpango wa Matokeo Makubwa sasa (BRN)
Kuratibu uandaaji wa taarifa mbalimbali za Halmashauri pamoja na utekelezaji wa maagizo mbalimbali ya Viongozi.
Kuandaa mapitio ya bajeti ya kila mwaka baada ya kipindi cha nusu mwaka.
Kuandaa taarifa za Mafanikio za Serikali iliyoko madarakani
Utafiti na Takwimu
Majukumu ya Sehemu hii ni kama ifuatavyo:
Kusimamia na kuboresha Benki ya Takwimu (Statistical Database).
Kuandaa na kuhuisha Wasifu wa Halmashauri (Council Profile)
Kufanya tathmini ya Utekelezaji wa Mpango Mkakati wa Halmashauri.
Kuratibu zoezi la Sensa ya Watu na Makazi.
Ufuatiliaji na Tathmini ya Miradi ya Maendeleo.
Majukumu ya Sehemu hii ni kama ifuatavyo:
Kufuatilia utekelezaji miradi na matumizi ya fedha za miradi.
Kuandaa Taarifa za Utekelezaji Miradi za kila robo mwaka.
Kuandaa taarifa za kila wiki za matukio ya Kiuchumi na Kijamii.
