MKUU WA MKOA WA MARA AFANYA ZIARA KATIKA HALMASHAURI YA WILAYA YA BUNDA

Posted on: November 1st, 2019

Mkuu wa  Mkoa wa Mara Mh Adam Malima amefanya ziara katika halmashauri ya Wilaya ya Bunda na kukagua ujenzi wa barabara inayoanzia Bulamba mpaka Kisorya.

Ambapo alimsisitiza  Mkandarasi kukamilisha ujenzi wa  barabara hyo kwa haraka kufikia Aprili  2020.

Aidha Mkuu wa Mkoa alitembelea kituo cha afya Kisorya na kukagua majengo mapya ya kituo hicho ambapo inaonesha kukamilika kwa asilimia  tisini na tisa yamekamilika. Pamoja na mambo mengine alibaini kutokuwepo kwa umeme katika baadhi ya majengo na maji ya uhakika hasa katika jengo la  wazazi.Hivyo alitoa agizo kwa  Mkurugenzi wa halmashauri ya Bunda kuhakikisha huduma hizo zinapatikana haraka iwezekanavyo kwani Kuna baadhi ya majengo hayajaanza kutumika kwa sababu ya changamoto ya  ukosekanaji wa huduma hizo.

Mkuu wa Mkoa alitembelea Makao Makuu mapya ya halmashauri ya Wilaya ya Bunda ambayo yamehamia rasmi katika  ya Kata ya Kibara, ofisi za Tarafa ya Nansimo tarehe 24/10/2019 ikiwa ni utekelezaji wa agizo  la  Mh Rais kuwa   kila halmashauri ihamie katika eneo lake la kiutawala. Aidha mkuu wa Mkoa alikagua ofisi katika Makao Makuu  mapya ya Halmashauri ya Wilaya  Bunda na kukutana na Changamoto ya baadhi ya majengo kutokua  na umeme  hivyo  akamuagiza Mkurugenzi Mtendaji wa Halmashauri ya wilaya ya Bunda kutatua  changamoto hiyo ikiwa  ni pamoja  na  kuhakikisha kuwa vyumba vyote vya ofisi za Makao Makuu zinakua na vitendea kazi muhimu vitakavyo wawezesha Watumishi kutoa  huduma kwa wananchi.

Mwisho Mkuu wa Mkoa  aliongea na watumishi wa halmashauri ya wilaya ya Bunda na kuwagiza watumishi wote wahakikishe kuwa wamehamisha huduma kutoka Makao Makuu ya zamani  kwenda Makao Makuu mapya.