mKUTANO WA BARAZA LA KATA KATIKA HALMASHAURI YA WILAYA YA BUNDA KUPOKEA TAARIFA MBALIMBALI ZA KATA

Posted on: November 15th, 2023

Mkurugenzi Mtendaji wa Halmashauri ya Wilaya ya Bunda, Bi Changwa M. Mkwazu alimkaribisha Mwenyekiti wa Halmashauri ya Wilaya ya Bunda Mh. Charles Manumba kufungua Baraza la Kata lililofanyika siku ya tarehe 13/11/2023, katika ukumbi wa Halmashauri, uliopo Kata ya Kibara Stoo.

Mwenyekiti wa Baraza la Kata, Mh. Charles Manumbu aliwakaribisha Waheshimiwa Madiwani pamoja na Watumishi wote wa Halmashauri waliohudhuria katika mkutano huo wa Baraza la Kata kwa Robo ya kwanza kwa mwaka wa fedha 2023/2024.

Mh. Manumbu alisema, lengo la mkutano huu, ni kupokea taarifa mbalimbali kutoka katika kila Kata na kuzijadili kwa pamoja, hivyo Waheshimiwa  Madiwani waliweza kuwasilisha taarifa zao.

Aidha, Mwenyekiti wa Baraza alimuagiza Mkurugenzi Mtendaji kuhakikisha  anasimamia  suala la ukusanyaji wa mapato katika vyanzo vyote kwa usahihi, hasa kwa upande wa Samaki na Dagaa, pamoja na vyanzo vingine vya mapato.

“Tunapoenda kwenye ziara Wakuu wote wa Idara na Vitengo lazima wawepo na hakuna kukaimisha pasipo kuwa na ruhusa kutoka kwa Mkurugenzi Mtendaji”.Alisema Mh. Manumbu.