KAMATI YA HUDUMA ZA UCHUMI IMETEMBELEA NA KUKAGUA MIRADI YA MAENDELEO KATIKA HALMASHAURI YA WILAYA YA BUNDA.

Posted on: January 23rd, 2025

Kamati ya huduma za Uchumi   ikiongozwa   na Mwenyekiti wa kamati ambaye pia ni diwani wa kata ya Nampindi Mhe. Fedson Rwesunga pamoja na wataalamu mbalimbali wa Halmashauri ya Wilaya ya Bunda siku ya tarehe 23/1/2025, wamefanya ziara ya ukaguzi wa miradi ya Elimu ikiwa ni kufuatilia utekelezaji wa shughuli za maendeleo zinazotekelezwa na Halmashauri ya Wilaya ya Bunda kwa mwaka wa fedha 2024/2025.

Ziara hiyo ililenga kutembelea na kukagua miradi mbalimbali ya Elimu inayotekelezwa na Halmashauri ili kuona maendeleo ya miradi hiyo na namna itakavyo rahisisha huduma mbalimbali za elimu kwa jamii pindi itakapo kamilika.

Aidha,miradi iliyo tembelewa ni pamoja na ukamilishaji wa bweni la wasichana shule ya sekondari Nyamanguta na ujenzi  upo katika hatua za mwisho za ukamilishaji,ujenzi wa mabweni mawli na matundu 12 ya vyoo shule ya sekondari Hunyari na utekelezaji wa mradi ukiwa katika hatua ya upauaji,ujenzi wa ukuta na kumimina jamvi.

Pia, kamati ilitembelea na kukagua mradi wa ujenzi wa nyumba mbili za walimu (2 in 1) unaotekelezwa katika shule ya msingi Sabasita ambapo ujenzi upo katika hatua ya upauaji na na nyumba moja tayari imeezekwa.

Hata hivyo kamati ilihitimisha ziara yake kwa kutembelea na kukagua ujenzi wa shule mpya ya sekondari ya Amali Manchimweru pamoja na kukagua mradi wa nyumba ya walimu (2 in 1) na mradi huo upo katika hatua ya ujenzi wa boma.