Halmashauri ya Wilaya ya Bunda yakabidhi vyumba vya madarasa 87 kwa Mkuu wa Mkoa wa Mara

Posted on: January 22nd, 2022

Mkuu wa mkoa wa Mara Mhe.Ally Hapi amewataka wazazi kuendelea kuwapeleka watoto Shuleni ili waweze kupata Elimu kwa manufaa ya baadae.

Mhe.Hapi amesema hayo Januari 21,2022 mara baada ya kukabidhiwa  vyumba 87 vya madarasa ambavyo fedha zake zimetokana na mpango wa maendeleo ya Ustawi wa Taifa na mapambano dhidi ya Uviko-19.

Mhe. Hapi amesema kuwa kila mzazi ambae mtoto wake anatakiwa  kwenda shule ampeleke  kwasababu  serikali  imeendelea kutoa elimu bure na kutengeneza mazingira bora ya kujifunza.

“Serikali  haitamvumilia mzazi yeyote ambae hatompeleka mtoto shule,wazazi ni wajibu wenu kupeleka watoto shule"amesisitiza Mhe Hapi

Aidha Mhe.Hapi amesema kuwa Serikali imeendelea kuweka mazingira bora kwa walimu na wanafunzi ili kuongeza ufaulu .

“Serikali  inaendelea kulipa madai ya walimu,kupandisha madaraja pamoja kuweka mazingira bora ya kufundisha na kujifunza”Mhe.Ally Hapi

Awali akitoa taarifa ya ujenzi wa madarasa hayo mwalimu Frolian Phares Kamugisha  kutoka Shule ya Sekondari Makongoro  amesema kuwa  madarasa mapya yamesaidia kupunguza  msongamano kwa wanafunzi darasani pamoja na kuweka mazingira rafiki ya kufundisha na kujifunza.

Aidha mwalimu  Kamugisha ametoa shukrani kwa Mhe Rais Samia Suluhu Hassan kwakuwapatia kiasi cha sjhilingi 80,000,000 kwaajili ya ujenzi wa vyumba vinne vya madarasa na ofisi mbili

‘’Tunamshukuru Mhe.Rais kwakutupatia mgao wa fedha hizo ambapo leo hii mazingira mazuri katika shule imekua faraja kwa walimu pamoja na wanafunzi’’amesema Mwal.Kamugisha

Mwisho Mkuu wa Mkoa amefanya Mkutano wa hadhara na kuzungumza na wananchi wa Kata ya Nyamuswa na Kata jirani sambamba na kusikiliza kero za wananchi.