Bilioni 1 kuanza kujenga makao Makuu ya Halmashauri ya Wilaya ya Bunda.

Posted on: April 11th, 2021

Halmashauri ya Wilaya ya Bunda imepokea fedha  kiasi cha Shilingi Bilioni Moja kwaajili ya ujenzi wa makao Makuu ya Halmashauri.

Hayo yamesemwa na Kaimu Mkurugenzi Bw.Stafa Nashoni katika Kikao cha Baraza la Madiwani robo ya pili kilichofanyika Aprili 1, 2021 katika ukumbi wa Kanisa la Kibara.

Bwa.Nashoni alisema kuwa  takribani wiki tatu zilizopita Halmashauri ilipokea  fedha kiasi cha shilingi Bilioni Moja kwaajili ya ujenzi wa Makao Maku ya  Halmashauri.

‘Tunaishukuru Serikali kwakutupatia fedha kwaajili ya Ujenzi”.Alisema Bwa.Nashoni

Hata hivyo Bwa. Nashoni aliwaomba Waheshimiwa madiwani kuacha malumbano ya wapi Halmashauri hiyo ijengwe na badala yake wajielekeze kwenye  ujenzi ili uweze kukamilika kwa wakati.

‘Niwaombe waheshimiwa Madiwani tujielekeze katika ujenzi,hatutapenda tena kuoneshewa vidole kila siku tuko nyuma kama ilivyo katika Hospitali’.Alisema  Bwa.Nashoni

Mchakato wa Ujenzi wa Halmashauri ya Wilaya ya Bunda ulianza tarehe 30/12/2019 mpaka 18/02/2021 baada ya kupokea Barua ya Katibu Mkuu Tamisemi ikielekeza Maamuzi ya Madiwani yazingatiwe kuwa ujenzi wa Makao Makuu ufanyike Kibara,Kijiji cha Kibara stoo Tarafa ya Nansimo.