Meneja wa Bank ya NMB tawi la Bunda Ndugu Fancis Kasili siku ya tarehe 3/7/2024 alitembelea Halmashauri ya Wilaya ya Bunda iliyopo Kibara Stoo na kufanya kikao na Menejimenti ya Halmashauri ya Wilaya ya Bunda.
Lengo la kikao hiki ni kwa ajili ya kutoa shukrani kwa ushirikiano mkubwa tuliokuwa nao kwa kipindi kirefu, maana bila ya nyie serikali, sisi hatuwezi kusonga mbele, tumekuwa tukishirikia katika kuleta maendeleo ya pamoja katika serikali hii.
Hivyo tumeona katika kuendeleza ushirikiano huu na kujenga mahusiano mazuri, tumekuja leo kutambulisha huduma mbalimbali zinazopatikana katika Bank kwa njia ya kidijitali pasipo kukutaka kufika Bank.
“Kupitia simu yako unaweza kupata huduma mbalimbali za Bank kama vile mkopo, bima, uundaji wa vikundi, unaweza kununua bonds za serikali na kujiwekea akiba yako mwenyewe bila ya kwenda tawi lolote la Bank”. Alisema Ndugu Kasili.
Ndugu Kasili alisema, tunawashukuru watumishi wote, pamoja na Mkurugenzi Mtendaji wa Halmashauri kwa ushirikiano mkubwa sana mnaoendelea kutupatia.
Mbali na huduma hizi pia, Bank ya NMB tunataka kujenga tawi lingine Kibara, katika jengo hili la utawala ili tuweze kuwarahisishia huduma na kuwapunguzia mwendo wa kufuata huduma za Bank mbali.
Naye, Mkurugenzi Mtendaji wa Halmashauri ya Wilaya ya Bunda, Ndugu George S. Mbilinyi aliwashukuru Bank ya NMB kwa elimu nzuri waliyoitoa kuhusiana na huduma zao, pia aliwaomba waharakishe katika kujenga tawi hilo katika jengo la utawala ili kurahisisha huduma za Bank.
Kibara Stoo.
Anuani ya Posta: 126, Bunda
Simu: 0282621055
Hamishika: 0754335739
Barua Pepe: ded@bundadc.go.tz
Haki Miliki@ 2017 Halmashauri ya Wilaya ya Bunda