Ziara ya kamati ya fedha,Uongozi na Mipango katika maeneo ya vyanzo vya mapato Halmashauri ya Wilaya ya Bunda.

Posted on: November 12th, 2021

Kamati  ya Fedha  Uongozi  na Mipango  Halmashauri  ya Wilaya  ya Bunda  imefanya ziara katika  Josho  la sarakwa na katika vyanzo vya mapato vya Halmashauri Novemba 10 hadi 11,2021.

Akiwasilisha taarifa fupi ya ujenzi wa Josho  Mtendaji wa Kijiji cha Sarakwa Bwa. Shedrack Ezra alisema kuwa ujenzi huo umeanza  22.07.2021 na mpaka kukamilika kwa Josho hilo  itagharimu kiasi cha Tsh,23,481,000.

Bwa. Ezra  alibainisha chanzo cha fedha za ujenzi wa Josho hilo ni Wizara ya Uvuvi na Mifugo  imetoa Tsh. 18,000,000 na  Tshs.5,481,000 nguvu za wananchi wa Sarakwa.

‘Josho hili limeanza kujengwa 22.07.2021 na Inategemea kumalizika mwishoni mwa Mwezi Novemba, 2021’’Alisema Bwa.Ezra

Aidha bwa.Ezra aliongeza kusema  kuwa ujenzi wa josho unaendelea kutekelezwa kwa kuzingatia sheria na taratibu zote  za ujenzi,viwango stahiki vya ubora, na usalama wa mifugo.

Wakizungumza mara baada ya kupokea taarifa fupi na kukagua josho ,wajumbe wa kamati waliridhishwa na mwenendo wa ujenzi wa josho hilo na kushauri kuwa mara nyingine wanapoandika andiko kwaajilii ya mradi wahakikishe kuwa mahitaji yote yanakuwepo katika andiko,kwani imebainika kuwa kuna gharama za ujenzi wa kisima kirefu kwaajili ya maji hazikuwepo katika maombi ya awali.

‘Ujenzi unaridhisha,niwapongeze Wananchi wa sarakwa kwakuendelea kujitolea katika shughuli za maendeleo’’alisema Mhe.Irobi

kamati pia ilitembea Machimbo  yaliopo  kijiji cha Nyaburundu  kata ya Ketare ambapo ilipokea taarifa kutoka kwa kiongozi wa wachimbaji Madini  Bwa. Steve Mwita   kuwa Mgodi hauzalishi kutokana na mashimo kujaa maji.

Bwa.Mwita ameiomba serikali kuwawekea umeme katika  eneo hilo ili uchimbaji  uwendelee,kwani kwasasa wanatumia gharama kubwa  katika  kutoa maji  kutokana  hakuna umeme

"Gharama inayotumika kwasasa ni kubwa kutoa maji katika mashimo,kutokana mashine inatumia mafuta na haina nguvu ya kutoa maji ,hivyo tunaomba  tuletewe umeme  tufanye kazi na kuleta mapato Halmashauri "alisema Bwa.Mwita

Maeneo mengine yaliyotembelewa na kamati ni Mwalo wa Mugara,Isanju, Mugara Nyalina,Muranda na Sikiro ambapo kamati ilibaini kuwa baadhi wa wakusanyaji mapato wamekuwa si waaminifu kwakukaa na fedha muda mrefu bila kupeleka benki  na  wakati mwengine  kutumia fedha mbichi.

Aidha kamati  ilitoa agizo kwa wakusanya ushuru  wote  kuweka fedha zote walizonazo katika akaunti kufikia 19,November 2021.