Wakazi wa Halmashauri ya Wilaya ya Bunda waanza kupata Huduma Katika Hospital ya Wilaya

Posted on: July 18th, 2020

Hospitali Mpya ya Wilaya ya Bunda  Mkoani Mara iliyojengwa katika kijiji cha Bukama,Kitongoji cha Misheni  Kata ya Nyamswa imeanza rasmi kutoa huduma kwa Wananchi wa Halmashauri hiyo baada ya kukamilika kwa ujenzi wa miundombinu  kwa awamu ya kwanza ambapo Zaidi ya bilioni 1.5 zilitumika na  kiasi cha shilingi milioni 300 zimetolewa kwa awamu ya pili kwaajili ya ujenzi huo.

Akizungumza wakati wa ufunguzi wa utoaji huduma kwa wananchi  Kaimu Mkurugenzi Mtendaji   Bw.Stafa Nashoni ameipongeza Serikali ya Awamu ya tano kwa kufanikisha ujenzi wa hospitali hiyo kwaajili ya kusaidia wananchi wasiende kufuata huduma mbali.

Nashon ameeleza Zaidi kuwa jumla ya shilingi,bilioni 1.5 zimetumika kwaajili ya kukamilisha miundombinu na serikali imeongeza jumla ya shilingi milioni 300 kuendeleza ukamilishaji wa miundpombinu katka hospital.

“Tunamshukuru Rais Dkt John Pombe Magufuli kwa kutuletea fedha za ujenzi wa hospital ya wilaya na leo watu wanapata huduma.”

Aidha  Bw.Nashonin  amewashukuru wananchi wa kijiji cha Bukama kwakujitolea ardhi yao bure kwaajili ya ujenzi wa hospitali ,lakini pia ushiriako wanaoutoa wakati wa utekelezaji mradi huo.”asanteni na mbarikiwe”

 Akiongewa kwa niaba ya wananchi wa  Nyamswa   Bw.John Nyamonge amesema tumeipokea hospital hii kwa mikono miwili na tupo tayari kushirikiana na watumishi kama ilivokua wakati wa ujenzi.

“Sisi kama wanajamii tunakazi moja ya kulinda hospital hii kw azote”

Tunatoa shukrani za Dhati kwa Serikali ya Awamu ya tano chini ya Dkt.John Pombe Magufuli kwa kutuletea huduma hii karibu.

Halmashauri ya Wilaya ya Bunda ina  Hospital  Moja , vya Afya vitano,na Zahati Ishirini na Sita.