Mkuu wa Wilaya ya Bunda ahamasisha Wananchi wa Kata ya Nyamihyolo kujenga Shule ya Sekondari,aonya migogoro.

Posted on: January 10th, 2020

Mkuu wa Wilaya yaBunda Mh Lydia Bupilipili amehamasisha wananchi wa Kata ya Nyamihyolo kujenga Shule ya Sekondari ambapo ujenzi huo utagharamiwa na  nguvu za Wananchi wa Kata hiyo katika kuunga mkono juhudi za Serikali ya Awamu ya tano chini ya Dkt.John Pombe Magufuli.

Akizungumza katika Mkutano wa hadhara  Januari8,2020 katika eneo la Nyamitwebili alisema ilikujenga kizazi bora lazima kuwepo na msingi  mzuri wa elimu kwa kizazi tulichonacho ambacho kitaleta manufaa ya sasa na baadae.

Wanafunzi wanatembea umbali mrefu kufuata Shule,hivyo nawaagiza wananchi wa Nyamihyolo kupeleka nguvu kazi katika ujenzi wa shule ya Sekondari  ya kata ili wanafunzi wasitembee umbali mrefu.alisema Bupilipili

Pamoja na changamoto zilizokuwepo baina ya Wananchi  wa Nyamihyolo kuhusu eneo ambalo litajengwa Shule ya Sekondari,pia Mh Bupilipili aliwasihi  Wananchi hao  kumaliza mgogoro wao kwa haraka ili kuweza kukamalisha ujenzi huo.

Naye ,Afisa Elimu Bwa.sylvester A.Mrimi aliwahimiza wazazi kuendelea kuhamasika kupeleka watoto wakike shule ili kuwajengea maisha bora ya  baadae.

" Wananchi wa Nyamihyolo  endeleni kutoa hamasa  kwa ujenzi wa Shule  ili uweze kukamilika kwa haraka."kama kuna familia ipo hapa haifikirii mtoto wake  kupata maarifa basi mzazi huyo hapendi maendeleo ya mtoto wake"

Madarasa manne yatasaidia kuanzia ili watoto wakidato Cha kwanza waweze kusoma.alisema afisa elimu.

Aidha,Kaimu Katibu tawala wa Wilaya  Bwa.Jonas Nyehoji alisema  umoja Ni nguvu utengani ni udhaifu ni vyema kuunganisha nguvu kwa pamoja ili kuweza kuhakikisha  ujenzi wa Shule unakamalika kwa haraka ili watoto waanze kutumia madarasa hayo.

Pia  Mh Bupilipili alitoa agizo la kusitishwa kwa ujenzi wa Shule  ya Sekondari Nyamitwebili  kutokana na kutokidhi vigezo vya kua eneo la shule kwa kuwepo na mgogoro wa eneo hilo.

akaelekeza vifaa vyote vilivyotolewa kwa ajili ya ujenzi wa Shule hiyo vipelekwe eneo la Mihyolo ambalo Shule itajengwa, viongozi kutoa mrejesho wa vikao ambavyo wanawakilisha Wananchi ili kuondoka sitofahamu kwa Wananchi na watalaamu wa Halmashauri wakishirikiana na wakaguzi wa  ubora wa shule kufanya tathmini upya ya maeneo yaliyopendekezwa kujengwa Shule.

Kata ya Nyamihyolo ina vijiji vitatu ambavyo ni Nyamitwebili,Mahyolo na  Haluzale pamoja na vitongoji 12 vyenye watu takribani5000.