Halmashauri ya Wilaya ya Bunda yatoa motisha kwa Shule ,Walimu na Wanafunzi waloffanya vizuri matokeo ya darasa la saba mwaka 2020

Posted on: February 20th, 2021

Halmashauri ya Wilaya ya Bunda imetoa motisha kwa walimu,wanafunzi  pamoja na shule zilizofanya vizuri katika Nyanja mbalimbali kwa mwaka 2020.Ambapo tunzo hizo zilijikita katika  utunzaji mazingira,Taaluma, uendeshaji wa miradi pamoja na madarasa yanayongea.

Akizunguza  katika  hafla ya utoaji tuzo iliyofanyika katika ukumbi wa kanisa  la Kibara  Februari 18,2021 Mkurugenzi Mtendaji wa Halmashauri ya Wilaya Bunda Bwa. Amos Kusaja alisema  Idara ya Elimu msingi ni idara inayoongea,katika idara zangu zote za halmashauri ya Wilaya ya Bunda elimu msingi inafanya kazi.

“Nampongeza Afisa Elimu Msingi pamoja na timu mzima kwakuendelea kuifanya halmashauri ya wilaya bunda kung’aa kimkoa kwakushika nafasi ya tatu”.alisema Bwa. Kusaja

Aidha  Bwa Kusaja ameeleza kuwa  bajeti ya 2020/2021 imetengwa milioni mia moja kutoka mapato ya ndani  kwaajili ya ujenzi wa madarasa shule za msingi.

Kwa hatua ingine Bwa Kusaja alitoa shukrani kwa  Serikali ya awamu ya tano inayoongozwa  na Mhe  Dkt John Pombe Magufuli  kwakuendelea kupunguza changamoto katika Elimu , wadau wa elimu PCI kwa kuendelea kutoa mafunzo kwa walimu wa KKK,Project Zawadi na NMB bank kwakuendele kuchangia katika ujenzi wa madarasa

“Niwashukuru NMB bank kwasababu wametuahidi kutuunga mkono na mwaka huu wametuhadi watatupa shilingi  milioni  10 kwaajili ya ujenzi wa madarasa’.alisema Kusaja

Naye Mgeni rasmi Mkuu wa wilaya Bunda Mhe Lydia Bupilipili alisema katika elimu  motisha ni kitu kizuri

“Binadamu yeyote katika kufanya kazi anapenda kupata motisha’.alisema mhe Bupilipili

Aidha Bupilipili amewataka walimu kuongeza juhudi katika kutekeleza majukumu yao kwani  hiyo ni moja ya nguzo  ya kuimarisha  ufaulu katika Halmashauri ya Wilaya ya Bunda.

‘panapo kuwa na kwanza na mwisho yupo ninaimani kwa juhudi hizi ufaulu utaongezeka zaidi’.alisema Bupilipili

Mhe Bupilipili aliongeza kusema kuwa  kila mmoja ana wajibu wakufanya kazi, na tuongeze juhudi sababu inawezekana kabisa kushika nafasi ya kwanza kimkoa.

Kwa hatua inginge mhe Bupilipili ametowa wito kwa wananchi kuendelea kuwaheshimu walimu ili kuendelea kuleta ushirikiano bora baina ya mwalimu na mwanafunzi.

“Wapo baadhi ya wananchi anapoana Mwanafunzi akiadhibiwa wao wanahukumu mwalimu,waache hiyo tabia mara moja’.alisema Bupilipili

Kwa pande wake Afisa Elimu msingi Bwa. Reginald Richard ametaja mikakati ya  idara ya elimu msingi ni kupandisha  ufaulu  wa darasa la nne kuwa ni 100% na darasa la saba ni 95% kwani dalili za kufikia malengo  haya yamewezekana,kudhibiti utoro kwa  walimu na wanafunzi,kumaliza tatizo la KKK na  kuboresha kamati za maendeleo ya elimu kata.

Bwa. Richard aliwataka walimu kuendelea kutekeleza majukumu yao kiufanisi pamoja na fuata taratibu za ufundishaji ili kuweza kupata matokeo mazuri zaidi.

‘Ushirikiano baina yetu ndio utatufanya tusonge mbele zaidi”alisema Bwa. Richard

Aidha Bw. Richard ametoa shukrani kwa Serikali ya awamu ya Tano kwakuendelea kumaliza changamoto mbalimbali katika elimu na kutengeneza mazingira bora ya kufundisha na kujifunza.

‘kwakweli mpaka tunaishukuru serikali maana mazingira ya shule zetu yanavutia kwa asilimia kubwa’

Naye ,Mwalimu Malindi Majige kutoka shule ya Msingi Mwibara alitoa shukrani kwa niaba ya walimu wengine alitoa shukrani za dhati kwa Serikali ya awamu ya tano kwakuendelea kuangalia masilahi yao pamoja na wadau wengine.

‘sisi kama walimu tunafarijika na tunapata hamasa yakufanya vizuri zaidi’.

Halmashauri ya Wilaya ya Bunda ina jumla ya Tarafa tatu ambazo ni Chamriho,Kenkobyo na Nansimo, ina jumala ya kata 19 na Shule za msingi 104 kati ya hizo shule 100 ni za serikali na 3 na watu binafsi na 1 inamilikiwa na kanisa.