Ziara ya Mkuu wa Wilaya ya Bunda katika maeneo yaliyopendezekezwa ujenzi wa shule mbili za Sekondari za Kata.

Posted on: December 15th, 2021

Mkuu wa Wilaya ya Bunda Mhe.Joshua Nassari amewapongeza wananchi wa kata ya Nampindi na Nyamihyolo kwakujitolea na kupendekeza maeneo kwaajili ya ujenzi wa Shule  mbili za  Sekondari za kata kupitia mradi wa SEQUIPT.

Pongezi hizo amezitoa  mara baada ya kutembelea eneo la Kijiji cha Sunsi na Makwa kata ya Nampindi na   Kata ya Nyamihyolo 14,Disemba 2021.

Mhe Nassari amesema kuwa Serikali imetambua uhitaji wa Shule  za Sekondari katika  Kata hizi mbili ili kupunguza watoto kutembea umbali mrefu kufuata elimu

‘Niwapongeze kwakujitolea maeneo,Watoto sasa hawataenda kusoma mbali’’Amesema Mhe.Nassari

Naye Mkurugenzi Mtendaji wa Halmashauri ya Wilaya ya Bunda Bi.Changwa Mkwazu ameishukuru Serikali ya awamu ya sita inayoongozwa na Mhe.Samia Suluhu Hassan kwakutoa kiasi cha Tsh.1, 200,000,000 kwaajili ya ujenzi wa Sekondari za Kata kupitia mradi wa  SEQUIPT.

‘’Tunashukuru’’Amesema Bi.Mkwazu

Kwa hatua ingine Mhe.Nassari ametoa wito kwa vijana  kujikita katika shughuli ambazo zitawainua kiuchumi na kuacha kuwategemezi  katika familia ili kuleta maendeleo.

‘vijana ndio tegemezi la Taifa letu,tujikite katika shughuli mbalimbali ili kujikwamua katika umasikini’’Amesema Mhe.Nassari

Mbali na kutembelea maeneo yaliyopendekezwa ujenzi wa Shule za Sekondari za Kata kupitia Mradi wa SEQUIPT pia Mhe.Nassari amekagua maendeleo ya   ujenzi wa vyumba  vitatu madarasa katika Kijiji cha Karukekere .