Ziara ya Mkuu wa Mkoa wa Mara Mhe.Ally Hapi Halmashauri ya Wilaya ya Bunda

Posted on: January 22nd, 2022

Mkuu wa Mkoa wa Mara Mhe.Ally Hapi amewataka  wataalamu  Halmashauri  ya Wilaya ya Bunda kuweka utaratibu mzuri wa manunuzi wa vifaa vya ujenzi ili  miradi ya ujenzi iende kwa Kasi.

Hayo ameyasema  Januari21, 2022  alipofanya ziara ya kukagua miradi maendeleo ya ujenzi wa Vituo viwili vya Afya na mapokezi ya Vyumba 87 vya madarasa .

Mhe Hapi amesema kuwa kumekuwa na tabia ya kuchelewesha kupeleka vifaa katika maeneo ya ujenzi na hivyo kufanya ujenzi kutomalizika kwa wakati na kusababisha wananchi kukosa haki yao yakupata huduma maeneo jirani.

“vifaa vinapochelewa wananchi wanakosa kupata huduma bora zaidi kutokana na mradi kutokamilika kwa wakati”amesema Mhe Hapi

Aidha Mhe.Hapi amewataka wananchi wa Kata ya Iramba na Kata Jiriani kushirikiana katika kuangalia kazi ya ujenzi unavoendelea ili uweze kukamilika kwa wakati.

“Mradi huu ni wa wananchi lazima mfuatilie ili mtambue fedha zenu zinavotumika.”amesema Mhe Hapi

Naye Mchungaji Hosea mkazi wa kijiji cha Isanju amemshukuru  Mkuu wa Mkoa  kwakutembelea na kukagua ujenzi wa kituo cha afya Isanju .

“Tunaomba  huu uwe utaratibu  wa kufika mara kwa mara ili tupate maendeleo mengine zaidi”amesema Hosea

Aidha Hosea amesema kuwa Wananchi  wa Isanju wanatambua juhudi za Serikali ya Awamu ya sita chini ya Mhe. Samia Suluhu Hassan kwakuleta maendeleo kwa wananchi.

“Tunashukuru na kuzipokea Juhudi zake’’amesema Hosea

Kwa Hatua ingine Mhe.Hapi amewataka wakuu wa Idara kuwajibika  katika nafasi zao  kwakusimamia miradi inayotekelezwa ili kuleta maendeleo kwa Wananchi pamoja na kusimamia Ilani ya Chama cha Mapinduzi.

Mbali na kutembelea maendeleo ya ujenzi wa Kituo cha Afya Isanju Pia Mhe Hapia amewapongeza uongozi wa Kata ya Hunyari kwa Kazi nzuri  ya kusimamia  ya Ujenzi wa Kituo cha Afya Hunyari.

‘Nimeridhishiwa na hatua ya ujenzi,Niwapongeze viongozi na wananchi kwakushirikiana’’.amesema Mhe.Hapi

Halmashauri ya Wilaya ya Bunda ilipokea kiasi cha shilingi 250,000,000 zinazotokana na miamala ya simu kwaajili ujenzi wa kituo cha Afya Isanju Septemba 2021 na Shilingi 250,000,000 Januari,2022 kwaajili ya ujenzi wa kituo cha Afya Hunyari.