Mkuu wa Wilaya ya Bunda Mhe Lydia Bupilipili awaasa Watendaji kuhamasisha Lishe Bora kwa Jamii

Posted on: May 20th, 2021

Mkuu wa Wilaya ya Bunda Mhe Lydia Bupilipi  amewataka Viongozi wa Ngazi ya Kata na Vijiji kuhamasisha Wazazi na Jamii nzima kwa ujumla kuhusu lishe  bora na chakula mashuleni ili watoto waweze kumudu masomo.

Hayo yamesememwa Mei 18,2021  katika Ukumbi wa Halmashauri wakati wa kupokea Tathimini ya Mkataba  wa Lishe kwa kipindi cha Januari  hadi Machi,2021.

Mhe Bupilii alisema kuwa  Serikali imetambua umuhimu wa afua za lishe nchini na imetoa msukumo zaidi kuimarisha afya  kwa kufunga mikataba kuanzia Ngazi ya Mkoa mpaka ya Kata.

‘Sisi kama viongozi hatuwezi kulibeza swala la lishe katika jamii’’.alisema Mhe Bupilipili

Mhe Bupiliupili alitoa wito kwa  watendaji wa Kata  kuendelea kujitolea kuhamisisha wananchi kuhusu Lishe bora hasa mashuleni.

‘’Tunaeza walaumu kuwa walimu hawajafundisha vizuri watoto wamefeli,wakati mtoto hapati lishe iliyobora ikamfanya akatulia  na kumsikiliza mwalimu’’alisema Mhe Bupilipili

Kwa upande wake Mganga Mkuu wa Halmashauri  Dkt Nuru Yunge alisema kuwa utekelezaji wa viashiria vya Mkataba wa Afya umekuwa hautekelezwi kwa ufanisi katika Halmashauri kama ilivyopangwa kutokana na changamoto kubwa zaidi ni ukosekanaji wa fedha .

‘’Mimi Mganga Mkuu,kushirikiana na Afisa Mipango na Wataalam wengine tuweze kuandika maandika mbalimbali ambayo yatatusaidia kupata fedha ambayo itatusaidia kutekeleza afua za lishe ilikuboresha afya za jamii katika Halmashauri yetu’’Alisema Dkt Yunge

Dkt Yunge alisema kuwa wananchi wa  Halmashauri ya Wilaya ya Bunda wana nafasi kubwa ya kupata lishe bora kutokana na Mazingira yao wanaoishi.

‘’Jamii isifikirie lishe bora ni kula nyama ya kuku,unaeza ukalima  mboga za majani na mazao mengine kwa gharama nafuu na ukapata  mchanganyo wa lishe bora’’Alisema Dkt Yunge

Naye,  Bi Magreth Arbogast kwa niaba ya Afisa Lishe alitaja madhara  wanayoweza kutokea mtu anapokosea lishe bora ni Utapiamlo,na kwa wajawazito anaechelewa kuanza kliniki ni pamoja na kuzaa watoto wenye matatizo ya mgongo wazi,mdomo sungura na kuzaa watoto wenye vichwa vikubwa.

Aidha Bi mage amezitaka jamii kuzingatia lishe bora pamoja na kuzalisha vyakula vyenye virutubisho kwa wingi kama viazi lishe,maboga,mboga za majani na mazao mengine.

‘’kila mwanajamii aone umuhimu wa kuwepo wa mazao yatakayomsaidia kupata lishe bora’alisema Bi Arbogast

Kwa hatua ingine Dkt Yunge aliwashukuru wadau wa lishe ambao ni PCI,Kizazi Kipya,Americares na USAID Boresha Afya kwa kuwajengea uwezo wahudumu wa Afya kwa ngazi ya jamii.