Mwita Getere Ashinda Ubunge jimbo la Bunda na Charles Kajege ashinda Jimbo la Mwibara

Posted on: October 30th, 2020

Msimamizi wa uchaguzi Jimbo la Mwibara na Bunda  Bw. Amos Kusaja amemtangaza  Mhe Mwita Getere wa  Chama cha Mapinduzi(CCM) kuwa Mbunge wa Jimbo la Bunda na Mhe Charles Kajege wa Chama cha Mapinduzi kuwa Mbunge wa Jimbo la Mwibara baaada ya kushinda  Uchaguzi mkuu wa Mwaka2020,uliofanyika siku ya Jumatano 28Oktoba,2020.

Akitangaza matokeo hayo katika Halmashauri ya Wilaya ya Bunda  Bw. Kusaja amesema jumla ya  vyama vilivoshiriki  kwenye uchaguzi mkuu ni vitatu kwa majimbo yote mawili Mwibara  (CCM,SAU na CHADEMA) na  Jimbo Bunda CCM, CHADEMA na NCCR.

Akisoma matoke hayo Bw. Kusaja amesema mgombea wa chama cha SAU Katika Jimbo la Mwibara  Nyombo Mtani  amepata kura 506,CHADEMA  Vedastus Mahendeka kura  10571 na Charles kajege wa CCM amepata kura 19,770 na  Katika Jimbo la Bunda amemtaja Coanel Agust(NCCR)amepata kura245 ,Samwel Ndalo  (CHADEMA)amepata kura 5596 na Mwita Getere wa CCM amepata kura 14203.

“Katika Jimbo la Mwibara idadi ya watu waliojiandikisha kwenye daftari la  kudumu la wapiga kura walikua ni 70,496      idadi halisi ya waliopiga30,847 kura zilizokataliwa 985na zilizoharibika na Jimbo la Bunda idadi ya watu waliojiandikisha kwenye daftari la  kudumu la wapiga kura walikua ni 47585      idadi halisi ya waliopiga kura 20709 kura zilizokataliwa 665”.Alisema Kusaja

Aidha  Msimamizi wa  Uchaguzi Bw.Kusaja  aliwakabidhi Hati ya Ubunge Bw.Mwita Getere Wa Jimbo la Bunda na Charles Kajege wa Jimbo la Mwibara,kama Wabunge halali wa majibo hayo.