Milioni 250 kujenga kituo cha Afya katika kijiji cha Isanju kata ya Iramba Halmashauri ya Wilaya ya Bunda.

Posted on: October 12th, 2021

Mkuu wa Mara  Mhe.Ally Hapi amewapongeza wanakijiji cha Isanju Kata ya Iramba kwa kutoa eneo la ukubwa wa takribani Hekari 40 kwaajili ya ujenzi wa Kituo cha Afya katika kijiji hicho.

Pongezi hizo zimetolewa wakati alipotembelea eneo hilo la ujenzi wa Kituo Afya  13Oktoba 2021.

Mhè Hapi amesema kuwa Rais Mhe.Samia Suluhu Hassan alijua kuwa hapa mlianza kuhangaika na ujenzi wa zanati hivyo ikatolewa milioni 250 kwaajili ya ujenzi wa kituo cha Afya cha kisasa chenye uwezo wa kufanya upasuaji na huduma nyinginge kubwa.

“Kina Mama wajawazito operesheni zote zitafanyika Isanju''Alisema Mhe.Hapi

Aidha Mhe Hapi alitoa rai Ofisi ya Mkurugenzi  Mtendaji  wa Halmashauri  ya Wilaya kuhakikisha ujenzi unaanza haraka iwezekanavyo.

“Nisingependa kuona watu wanakaa na pesa wakati Raisa ameshazitoa,Nisingependa kuona ucheleweshwaji wa mradi huu”Alisema Mhe Hapi

Kwa upande wake Mganga Mkuu wa Halmashauri  DR.Nuru Yunge lengo Mradi ni kusogeza huduma za Afya karibu na   wananchi wa Iramba ambao kwa sasa wanatumia kituo cha Afya cha Kasahunga kwa huduma za rufaa kilometa 33 kutoka kijiji cha Isanju.

“Tunaamini kituo hiki kikikamilika wananchi hawatopata usumbufu  wa huduma za rufaa".alisema Dr.Yunge

Naye Mwenyekiti  wa kijiji cha Isanju Bwa. Zakayo Kabwe amesema kuwa  Wananchi wa Isanju wameshiriki  asalimia mia katika upatikanaji wa eneo.

“Natupo tayari kushiriki katika ujenzi"alisema Kabwe

Bwa.Kabwe alitoa shukrani  kwa serikali ya awamu ya sita inayoongozwa na Mhe Samia Suluhu  Hassan  kwakutoa fedha kwaajili ya kusambaza maji kijiji cha Isanju pamoja na ujenzi wa kituo cha Afya.

“Tunashukuru"alisema Bwa.Kabwe

Halmashauri  ya Wilaya ya Bunda  ilipokea fedha Tshs.250,000,000 tarehe 29/9/2021 kwaajili ya ujenzi wa kituo cha Afya kijiji cha Isanju kata ya Iramba ,Halmashauri  pia inatarajia kuanza ujenzi mara tu baada kupata maelekezo kutokq OR-TAMISEMI.