KAMATI YA LISHE YA HALMASHAURI YA WILAYA YA BUNDA WAKUTANA KUJADILI TAARIFA YA UTEKELEZAJI KWA ROBO YA PILI

Posted on: January 31st, 2024

Kamati ya lishe ya Halmashauri ya Wilaya ya Bunda siku ya tarehe 30/1/2024 ilikaa kikao cha robo ya pili ya mwaka 2023/2024, kwa ajili ya kupokea taarifa za utekelezaji wa Afua za  lishe kwa kipindi cha kuanzia Oktoba hadi Disemba, 2023 kutoka idara mtambuka.

Kikao hicho kiliongozwa na Kaimu Mkurugenzi Mtendaji wa Halmashauri ya Wilaya ya Bunda, Ndugu Optatus  J. Lusolela.

Afisa lishe wa Halmashauri ya Wilaya ya Bunda, Bi. Grace Martin aliwasilisha kadi alama za utekelezaji kwa kipindi cha robo ya pili, kuanzia ngazi ya Halmashauri, Kata na Chama Tawala (CCM) kuhusiana na masuala ya lishe katika Halmashauri ya Wilaya ya Bunda.

Wajumbe wa kamati walijadiliana taarifa hizo kwa kuweka mikakati madhubuti  kwa ajili ya kupandisha zaidi hali ya lishe kwa kipindi kijacho kwa kuhakikisha lishe inaboreshwa kuanzia shule za Awali, Msingi na Sekondari, pamoja na jamii yote ya wananchi wa Halmashauri ya Wilaya ya Bunda, hususani wale walio  na hali ya chini kiuchumi.