Baraza la Madiwani Halmashauri ya Wilaya ya Bunda yaagiza wataalam kusiimamia mapato na miradi ya maendeleo.

Posted on: September 23rd, 2021

Mwenyekiti wa Halmashauri ya Wilaya ya Bunda Mhe. Charles Manumbu amewataka Wataalamu wa Halmashauri  ya Wilaya ya Bunda  kusimamia mapato pamoja na miradi ya maendeleo  ili kufanikisha lengo la serikali kuweka miundombinu  bora kwa wananchi.

Akizungumza katika  Mkutano wa baraza la  Madiwani robo ya nne 2020/2021  lilifanyika Septemba 23 katika ukumbi wa Kanisa la Kibara .Mhe Manumbu amesema kuwa ni wajibu wa kila mtu kuhakikisha  mapato yanakusanywa na kupeleka fedha benki kwa wakati ili kuepusha matumizi ya fedha mbichi.

‘’sisi kama madiwani tutasimamia kwa nafasi zetu niwakumbushe wataalam kusimamia mapato kwa uwaminifu ili kuepusha kutengeneza mazingira ya  rushwa’’.amesema mhe.Manumbu

Aidha Mhe. Manumbu  amewataka wataalamu kusimamia miradi ya maendeleo ipasavyo  kwakuhakikisha taratibu za manunuzi zinafuatwa  pamoja na kufuatilia  hatua za  ujenzi ili kuhakikisha ubora wa majengo unapatikana.

‘’Wataalamu wamajengo na manunuzi niwajibu wenu kusimamia miradi yote katika hatua ya awali mpaka mwisho ili kupata majengo yaliyo bora’’.amesema Mhe.Manumbu

Naye Mkurugenzi Mtendaji wa Halmashauri ya Wilaya Bunda Bi Changwa Mkwazu amesisitiza katika kusimamia mapato  pamoja na miradi ya maendeleo ili kuendana na kasi ya Serikali ya Awamu ya Sita chini ya Rais  Mhe Samia Suluhu Hassani.

‘’Halmasahauri yetu ina vyanzo vingi vya mapato niahidi tu mimi na wataalamu  wangu tutasimamia ipasavyo kuhakikisaha tunasonga mbele katika ukusanyaji mapato na kusimamia miradi’’amesema Bi Mkwazu.

Kwa upande wake Mkuu wa Wilaya ya Bunda Mhe. Joshua Nassari ametoa pongezi kwa Waheshimiwa Madiwani kwa kusimamia ukusanyaji wa mapato na kudhamilia kuziba mianya inayo hatarisha kupoteza kwa mapato.

‘’nitoe rai kwa wataalamu kutoa ushirikiano kwa madiwani katika kusimamia mapato yasipotee’’amesema nassari

Kwahatua ingine baraza limeazimia kusimamisha kazi watumishi 11 ili kupisha uchunguzi watuhuma zinazowakabili katika upande wa manunuzi,mapato na ujenzi wa miradi ya maendeleo katika ngazi ya kijiji mpaka Halmashauri na watumishi watatu kupewa onyo.