WANANCHI WA KIJIJI CHA NANSIMO KUHAMISHWA, KUTOKANA NA MAFURIKO

Posted on: April 24th, 2024

Mkuu wa Wilaya ya Bunda, Mh. Dkt.  Vicent Anney siku ya tarehe 23/4/2024 aliwatembelea waathirika wa mafuriko katika kijiji cha Nansimo kilichopo Kata ya Nansimo, katika Halmashauri ya Wilaya ya Bunda.

Dkt Anney aliwapa pole waathirika wa mafuriko hayo ambayo yalitokana na mvua zinazoendelea kunyesha katika maeneo mbalimbali hapa nchini.

Mkuu wa Wilaya alimuagiza Mtendaji wa Kijiji cha Nansimo kuhakikisha anaitisha mkutano na wananchi wote  na kuwapa maelekezo ya kuondoka katika eneo hilo  ambalo limekuwa si salama tena kuendelea kuishi mahali hapo kutokana na mafuriko,  pia,  alimtaka  Mtendaji wa Kijiji, kuhakikisha kwanza anawatafutia viwanja katika eneo lililo zuri na salama, ili kila kaya iweze kupata eneo la kwenda kujenga makazi ya kuishi.

“Suala hili linatakiwa lifanyike kwa uharaka sana kabla athari zaidi hazijaendelea kutokea.” Alisema Mkuu wa Wilaya.