KAMATI YA RUFANI NGAZI YA WILAYA WAPEWA MAFUNZO.

Posted on: November 5th, 2024

Msimamizi msaidizi wa uchaguzi kutoka Halmashauri ya Wilaya ya Bunda, Ndugu Modestus Chama alitoa mafunzo kwa kamati ya rufani ngazi ya Wilaya kwakusema lengo la mafunzo haya ni kwa ajili yakuwezesha wajumbe wote waliopo kwenye kamati hiyo kuweza kutolea maamuzi mapingamizi dhidi ya wagombea wa nafasi mbalimbali za uongozi katika uchaguzi wa serikali za mitaa.

Katika mafunzo hayo wajumbe walifundishwa kanuni na sheria za uchaguzi wa serikali za mitaa kwa ajili ya kutambua sifa za wagombea pamoja na majukumu yao katika kamati hiyo ya rufani.

Mafunzo hayo yalitolewa siku ya tarehe 4/11/2024 katika ukumbi wa Ofisi ya Mkuu wa Wilaya ya Bunda ambapo mwenyekiti wa kamati hiyo ni katibu Tawala wa Wilaya ya Bunda Ndugu Salum Mtelela.

Wajumbe waliwashukuru wawezeshaji wote kwa kuweza kuwapatia mafunzo hayo na waliahidi kufanya kazi kwa haki katika kuhakikisha uchaguzi wa serikali za mitaa unakuwa wa huru na haki.

“Serikali za Mitaa,Sauti ya Wananchi,Jitokeze kushiriki Uchaguzi”